Një tjetër projekt humanitar nga Shoqata Humanitare “Kalliri i Mirësisë” – Kërçovë

Me ndihmën e Allahut dhe mbështetjen e donatorëve, Shoqata Humanitare “Kalliri i Mirësisë” – Kërçovë ka filluar sot realizimin e një projekti humanitar për ndërtimin e një shtëpie për një familje gjashtëanëtarëshe.

Kjo familje jetonte në kushte shumë të vështira pas ndarjes nga jeta të kryefamiljarit. I ndjeri, me shumë mund dhe sakrificë, kishte arritur të niste ndërtimin e shtëpisë, por pamundësia ekonomike dhe vdekja e tij e parakohshme bënë që punimet të mbeteshin të ndërprera, ndërsa familja vazhdoi të jetonte në kushte të rënda.

Falë ndihmës së Allahut, zemërgjerësisë së donatorëve dhe veçanërisht kontributit të firmës Spitex BajRon me pronar z. Nijat Bajrami nga fshati Greshnicë, i cili jeton dhe vepron në Zvicër, sot rifilluan punimet aty ku kishin mbetur.

Lusim Allahun e Madhëruar ta shpërblejë me të mira çdo donator dhe Udo njeri që kontribuon në këtë vepër bamirësie, si dhe shpresojmë që shumë shpejt kjo familje të gëzojë ngrohtësinë dhe sigurinë e shtëpisë së saj të re.

“Kush ia lehtëson një besimtari një vështirësi nga vështirësitë e kësaj bote, Allahu do t’ia lehtësojë atij një vështirësi në Ditën e Kiametit.”

/ms