Nga gjyshi te nipi: Tri gjenerata të një familjeje shqiptare, punojnë së bashku në Gjermani

Tri gjenerata shqiptare në një kantier: Nga përvoja e gjyshit te ambicia e nipi.
Nazmi Kupa, i cili po mbush 79 vjeç, emigroi në Gjermani në vitin 1968. Sot, ai vazhdon profesionin krah djalit dhe nipit, duke dëshmuar se përvoja dhe tradita familjare mund të përcillen ndër breza, transmeton albinfo.ch.

Bëhet fjalë për një nga projektet e rëndësishme të infrastrukturës në Këln të Gjermanisë, një familje shqiptare po tërheq vëmendjen për bashkëpunimin mes tri gjeneratave. Në rinovimin e urës Mülheim janë angazhuar Nazmi Kupa, djali i tij 50-vjeçar, Kabili, dhe nipi 21-vjeçar, Zejadini.

Për Nazmi Kupën, ky projekt është vazhdim i një jete të gjatë pune në ndërtimtari. Edhe pse po mbush 79 vjeç, ai vazhdon të punojë përkrah familjarëve të tij, duke ndarë me ta përvojën e fituar gjatë dekadave në profesion.

Nazmiu dhe Kabili punojnë si zdrukthëtarë, ndërsa Zejadini është i kualifikuar në punimet e betonit të armuar dhe, krahas angazhimit në kantier, vazhdon edhe studimet në këtë drejtim.

/lajmpress