Nuk kishte të paguaj dënimin arrestohet në Gjermani !

Një shtetas 41-vjeçar i Kosovës, i cili kishte planifikuar të vizitonte familjen e tij, ka përfunduar në burg në Gjermani pasi është ndaluar nga Policia Federale gjatë një kontrolli në kufirin me Zvicrën.

Ngjarja ka ndodhur të hënën vonë në mbrëmje, më 12 tetor 2026, në pikën kufitare të autostradës Weil am Rhein, ku zyrtarët gjermanë kanë kontrolluar dokumentet e burrit që banon në Kosovë.Gjatë kontrollit, 41-vjeçari u kishte deklaruar policëve se qëllimi i udhëtimit të tij ishte vizita te familjarët. Megjithatë, verifikimi i të dhënave personale zbuloi se ndaj tij ishte lëshuar një urdhërarrest nga autoritetet gjermane.

Sipas Policisë Federale, burri ishte dënuar gjatë vitit 2025 nga një gjykatë gjermane me gjobë prej 2.000 eurosh për veprën penale që lidhet me sigurimin e dokumenteve zyrtare të falsifikuara.Megjithëse vendimi ishte marrë një vit më parë, shtetasi kosovar nuk e kishte paguar gjobën dhe as nuk e kishte vuajtur dënimin zëvendësues me burgim, të paraparë në rast të mospagesës së saj.Për këtë arsye, Prokuroria kishte lëshuar urdhërarrest për ekzekutimin e dënimit.

Pas identifikimit të tij në kufi, Policia Federale i ka dhënë mundësinë që ta paguante shumën e kërkuar, por 41-vjeçari nuk kishte mundësi ta shlyente gjobën prej 2.000 eurosh.Si pasojë, ai është arrestuar dhe është dërguar në institucionin më të afërt korrektues në Gjermani, ku do të vuajë dënimin zëvendësues me burgim.

Policia ka bërë të ditur se dënimi përfshin një periudhë disamujore burgimi, por nuk ka specifikuar numrin e saktë të ditëve që 41-vjeçari duhet të qëndrojë në burg.Kështu, udhëtimi që kishte nisur për një vizitë familjare përfundoi me arrestimin e shtetasit kosovar në kufirin gjermano-zviceran.

/urgjent