Naser Ismaili i jep fund mandatit 8-vjeçar në krye të SH.F.Q. “Rexhë Rushit Zajazi”

Pas tetë vitesh në drejtimin e SH.F.Q. “Rexhë Rushit Zajazi” në Zajaz, Naser Ismaili ka njoftuar përfundimin e mandatit të tij, duke e cilësuar këtë si mbylljen e një kapitulli të rëndësishëm të jetës.

Në mesazhin e tij falënderues, ai u shpreh se shkolla ishte shtëpia e tij e dytë dhe se gjatë gjithë kësaj periudhe punoi me përkushtim për të krijuar kushte më të mira për nxënësit.

Ismaili falënderoi nxënësit, prindërit, mësimdhënësit, stafin dhe bashkëpunëtorët për besimin dhe mbështetjen, duke theksuar se postet janë të përkohshme, ndërsa puna e ndershme dhe kontributi për arsimin mbeten të përjetshme.

Mirënjohje të veçantë ai shprehu edhe për zv.drejtoreshën Xhika Jahoja, ndërsa e mbylli mesazhin me falënderim ndaj Zotit.

/tvgurra