Maqedonia shtet i dhunës! 14 raste u raportuan brenda një dite

Brenda 24 orëve, në Policinë e Maqedonisë së Veriut u raportuan 14 raste të dhunës në familjare. Si rezultat i raportimeve, ka pasur edhe arrestime, transmeton Portalb.mk.
Policia e arrestoi 47 vjeçarin e alkoolizuar O.S. nga Tetova nën dyshimet se ka keqtrajtuar të dy prindërit. Për shkak kërcënimeve ndaj prindërve të ish-partneres, Policia ka arrestuar 27 vjeçarin R.A. nga Gostivari.

“Një 30-vjeçar nga Tetova raportoi se në rrugën “Ilindenska”, teksa po lëvizte me bashkëshorten e tij, ishte sulmuar fizikisht nga vëllai i tij R.Z. (26)”, raportoi Policia, duke raportuar për një rast tjetër si “nëpunës policorë e privuan nga liria Xh.M. (49) nga një fshat i komunës së Bërvenicës, pas një raportimi nga bashkëshortja e tij (me të cilën është në proces divorci) se ai i ka bërë kërcënime për jetën”.

Policia raportoi edhe raste tjera, si vëllai e sulmoi vëllain në Tetovë, burri e sulmoi gruan 34 vjeçare, djali 25 vjeçar u sulmua në Prilep nga babai, një 36 vjeç nga Kavadari e sulmoi ish-bashkëshorten, një 65 vjeçar u arrestua në treg pasi ishte sjellën në mënyrë agresive ndaj bashkëshortes, një 65 vjeçare u sulmua nga bashkëshorti 59 vjeç, një 28 vjeçare u sulmua nga vëllai 26 vjeçar, një 35 vjeçar në Shuto Orizare e ka sulmuar bashkëshorten 40 vjeçare, një 36 vjeçare në Qendër u sulmua nga burri i saj, ndërsa në 48 vjeçar nga Shkupi u arrestua pasi kishte sulmuar fizikisht partneren 29 vjeçare.

Kujtojmë se sipas të dhënave nga MPB-ja, në një periudhë prej pesë vitesh janë regjistruar madje 26 vrasje të grave. Në vitin 2021 u regjistruan katër vepra penale të “vrasjes”, në të cilat viktima ishin katër gra. Në vitin 2022, u regjistruan dy vepra penale të “vrasjes”, në të cilat viktima ishin dy gra. Vitin pasardhës, ky numër është 9, ndër të cilët njëra nga viktimat ishte një vajzë 14 vjeç. Në vitin 2024, u vranë pesë gra, njëra prej të cilave ishte një vajzë dyvjeçare, ndërsa vitin e kaluar u vranë 6 gra.

Pas ngjarjes tragjike të 2 marsit, kur Ivana dhe vajza e saj Katja vdiqën pasi ranë nga ballkoni, ministri i Brendshëm Pançe Toshkovski tha në një konferencë për shtyp se gjatë vitit të kaluar dhe në fillim të këtij viti, Ministria e Brendshme kishte regjistruar disa raportime për marrëdhënie të prishura ndërpersonale dhe sulme fizike midis bashkëshortëve. Sipas ministrit, policia veproi në bazë të çdo raporti, por në të gjitha rastet raportet u tërhoqën nga pala e dëmtuar Ivana, e cila për këtë arsye hoqi dorë nga procedurat e mëtejshme.

/portalb