Lajm i mirë: Çmimi i naftës bie në nivelin më të ulët të gati dy muajve

Çmimi i naftës ka shënuar rënie të ndjeshme në tregjet ndërkombëtare, duke arritur nivelin më të ulët të gati dy muajve, pasi një fuçi Brent është tregtuar nën pragun e 90 dollarëve që nga mbrëmja e fundit.

Sipas të dhënave të tregjeve energjetike, çmimi më i fundit ka zbritur në rreth 88.17 dollarë për fuçi, një nivel që nuk ishte regjistruar që nga 17 prilli, vetëm dhjetë ditë pas shpalljes së një armëpushimi mes SHBA-së dhe Iranit.

Ky zhvillim vjen pas disa ditësh luhatjesh të forta në treg, të nxitura nga përditësimet mbi bisedimet e paqes dhe pritshmëritë për ulje të tensioneve gjeopolitike.

Rënia nën 90 dollarë është konsideruar simbolike për tregjet, pasi ky nivel shpesh shihet si një pikë psikologjike për investitorët dhe kompanitë energjetike, shkruan skynews.

/ts