Kush janë 9 vendet që po shtojnë arsenalin bëthamor ?

Pothuajse të gjitha nëntë shtetet e armatosura me armë bërthamore – Rusia, Shtetet e Bashkuara, Kina, Franca, Mbretëria e Bashkuar, Pakistani, India, Izraeli dhe Koreja e Veriut – kanë filluar të rrisin arsenalet e tyre ose kanë njoftuar plane për ta bërë këtë, sipas autorëve të raportit vjetor të Monitorit të Ndalimit të Armëve Bërthamore .

Numri i kokave bërthamore të gatshme për përdorim arriti në 9,745 (+141), ndërsa gjithsej në botë ka rreth 12,187. Rritja e armëve të vendosura po rrit rrezikun e përshkallëzimit dhe përdorimit aksidental.

Megjithëse numri total është më i ulët se në Luftën e Ftohtë, ekspertët paralajmërojnë për një garë të re armatimesh dhe dobësim të marrëveshjeve të çarmatimit, si skadimi i traktatit New START.

Ndërkohë, 99 vende kanë mbështetur traktatin për ndalimin e armëve bërthamore, por asnjë shtet bërthamor nuk i është bashkuar. Përkundrazi, ato po modernizojnë arsenalet, ndërsa kritikët paralajmërojnë se kjo e bën botën më të rrezikshme.

/ts