Ku mbet premtimi reth qenve endacak në Kërçovë?

Premtimi për stacionarin mbetet në letër, qentë endacakë shtohen pranë shkollës në Lagjen Pashinë

Banorët e Lagjes Pashinë ngrenë shqetësimin për praninë e madhe të qenve endacakë në afërsi të shkollës, situatë që sipas tyre po krijon frikë dhe pasiguri për nxënësit dhe prindërit.

Sipas banorëve, ditëve të fundit numri i qenve është rritur dukshëm, ndërsa ekziston dyshimi se disa prej tyre janë sjellë edhe nga zona të tjera. Ata theksojnë se problemi është bërë i vazhdueshëm dhe kërkon reagim urgjent nga institucionet përgjegjëse.

Gjatë fushatës zgjedhore ishte premtuar ndërtimi i një stacionari për trajtimin dhe sistemimin e qenve endacakë, por deri më tani një zgjidhje e tillë nuk është realizuar.

Ndërkohë, qentë vazhdojnë të enden nëpër rrugë, ndërsa qytetarët kërkojnë masa konkrete dhe jo vetëm premtime, sidomos kur në pyetje është siguria e fëmijëve.

/tvgurra