Konflikt me Izraelin? Erdogan: “Nuk do t’i iknim” !

Presidenti turk Rexhep Taip Erdogan komentoi tensionet midis Turqisë dhe Izraelit, si dhe konfliktin e mundshëm ushtarak të drejtpërdrejtë me këtë vend, në një intervistë për Al Jazeera.

„Nuk flasim për luftë, flasim për paqe. Por nëse dikush e sulmon Turqinë për luftë, e jo për paqe, Turqia nuk do të hezitojë të luftojë në atë luftë dhe nuk do të ikë prej saj“, tha Erdogan.

Lideri turk iu referua edhe sulmeve të vazhdueshme izraelite ndaj Libanit, pavarësisht armëpushimit të arritur me ndërmjetësimin e presidentit amerikan Donald Trump, përcjell Pa Censurë.

„Jemi shumë të shqetësuar për këto sulme. Folëm për këtë me presidentin libanez (Joseph Aoun) dhe po bëjmë gjithçka që mundemi.“
Kohët e fundit, flitet gjithnjë e më shumë për një konflikt të mundshëm ushtarak të drejtpërdrejtë midis Izraelit dhe Turqisë, ku disa përfaqësues amerikanë dhe izraelitë sugjerojnë se Turqia mund të bëhet „Irani i ri“.

Megjithatë, pavarësisht kësaj retorike, ekspertët thonë se mundësia e një konflikti ushtarak mbetet e kufizuar, sepse një skenar i tillë nuk do t’i përshtatej asnjërës prej palëve, transmeton Pa Censurë. Supremacia ushtarake e Turqisë do të ishte gjithashtu e rëndësishme, duke qenë se ajo ka ushtrinë e dytë më të madhe në NATO, pas SHBA-së.

/ts