Klaudia Hila bashkëshortja Adi Hilës: Më tradhtoi me mikeshën që e quaja motër!
Një nga lajmet më të bujshme të momentit ka tronditur rrjetet sociale dhe opinionin publik. Klaudia Hila, bashkëshortja e Adi Hilës ka thyer heshtjen përmes një deklarate të fortë në rrjetin social Instagram, duke konfirmuar fundin e martesës së tyre dhe duke hedhur akuza të rënda që pritet të bëjnë shumë bujë.
Klaudia shprehet e tronditur dhe e fyer nga veprimet e bashkëshortit të saj, duke përmendur gjithashtu një emër shumë të njohur të ekranit shqiptar, aktoren Monika Lubonja.
Deklarata e plotë dhe akuzat e forta:
“Ndihem shumë keq për çdo gjë që ka ndodhur dhe nuk e prisja kurrë nga bashkëshorti im të më bënte këto veprime të turpshme” shprehet fillimisht Klaudia, duket lënë të kuptohet se bëhet fjalë per videot që kanë qerkulluar së fundmi.
Por ajo nuk ndalet me kaq. Goditja më e madhe e statusit të saj i dedikohet ish-mikeshës së saj të ngushtë, Monika Lubonjës:
“Sa për Monika Lubonjën, ish-mikeshën time… Nuk e prisja kurrë që të shkonte me burrin tim! Ajo gjithmonë më thoshte se ‘Adin e kam si vëlla’!” — një tradhti e dyfishtë kjo.
Në vijim të mesazhit të saj sensibilizues, zonja Hila ka bërë një thirrje të hapur për të gjitha gratë dhe vajzat që mund të gjenden në situata të ngjashme abuzimi apo tradhtie publike:
“U bëj thirrje të gjitha grave që shfaqen në video që të denoncojnë rastin në organet kompetente, që këto gjëra të turpshme të mos përsëriten më kurrë!”
Klaudia ka konfirmuar se nuk ka ndërmend të kthehet pas. Ajo ka bërë me dije se ka kontaktuar tashmë me avokatin e saj dhe se procesi i ndarjes zyrtare ka nisur.
“Nuk dua të bëj më kurrë jetë me atë njeri të neveritshëm,” mbyll ajo deklaratën e saj të hidhur.
Burime pranë profilit të Klaudia Hilës bëjnë me dije se statusi bombastik është fshirë nga Instagrami vetëm 5 minuta pas publikimit!
Nuk dihet ende nëse reagimi i saj i rrufeshëm erdhi si pasojë e presionit të madh mediatik, këshillave nga avokati i saj për shkak të nisjes së procedurave ligjore, apo nëse profili ka kaluar në një situatë tjetër kontrolli. Megjithatë, peshë e madhe e fjalëve dhe emrat e përmendur kanë mbetur në qendër të vëmendjes, duke lënë të kuptohet se ky shpërthim ishte vetëm maja e ajsbergut të një skandali që premton të zbulojë akoma më shumë detaje në ditët në vijim.
/ms
