Kërçovë: Në shkollën “Sande Shterioski” inaugurohet dhoma senzorike për nxënësit

Në shkollën Sande Shterioski, në lagjen Pashinë, është hapur një derë më shumë për kujdesin, mirëkuptimin dhe përfshirjen, pasi dhoma senzorike tashmë është vënë në përdorim.

Kjo nuk është thjesht një hapësirë e re, por një mundësi reale që çdo nxënës të ndihet i pranuar, i mbështetur dhe i barabartë në rrugëtimin e tij arsimor. Çdo fëmijë meriton të mësojë në mënyrën që i përshtatet më së miri.

Ky moment përfaqëson një arritje të rëndësishme, duke dëshmuar se me përkushtim dhe bashkëpunim mund të realizohen projekte që vendosin fëmijën në qendër të vëmendjes.

Një pjesë e projektit është realizuar nga vetë institucioni, ndërsa pjesa tjetër e pajisjeve dhe rekuizitave është siguruar falë kontributit të kompanisë Zegin dhe drejtorit të bordit drejtues, Afrim Ahmeti, si dhe fondacionit të dr. Verica Mehanxhiska, të cilëve u shprehet mirënjohje për mbështetjen dhe besimin e dhënë. Ky është një hap i rëndësishëm drejt një shkolle më gjithëpërfshirëse, më humane dhe më pranë nevojave të çdo nxënësi.

/tvgurra