Iraku përfshihet në luftën e Iranit ?
Që nga nisja e bombardimeve nga SHBA-ja dhe Izraeli ndaj Iranit, Teherani ka zgjeruar konfliktin në Lindjen e Mesme, veçanërisht në Irak. Milicitë proiraniane kanë kryer sulme të shpeshta ndaj caqeve amerikane, duke nxitur kundërpërgjigje ajrore nga SHBA-ja, ndërsa Irani ka goditur edhe rajonin kurd në veri të Irakut.
Dhuna në rritje rrezikon destabilizimin e Irakut, i cili ende po rikuperohet nga konfliktet e mëparshme. Ekspertët paralajmërojnë se vendi mund të përfshihet më thellë në luftë, pasi Irani e sheh këtë konflikt si ekzistencial dhe po përdor aleatët e tij në rajon.
Grupet e mbështetura nga Irani, të përfshira edhe në Forcat e Mobilizimit Popullor (PMF), kanë intensifikuar sulmet ndaj objektivave amerikane në Irak dhe Siri, ndërsa SHBA-ja është kundërpërgjigjur duke goditur pozicionet dhe liderët e tyre.
Megjithatë, këto milici vazhdojnë të kenë fuqi të konsiderueshme, ndërsa Irani përdor rrjetin e aleatëve si mjet për të rritur ose ulur presionin në rajon.
/ts
