Gruevski qenka më i vlefshëm për politikën shqiptare se sa qindra të burgosurit e pafajshëm shqiptarë!

Gënjeshtra i ka këmbët e shkurtra, thotë populli dhe këtë nuk e luan topi. Gjithë ai trumbetim patriotik ndër dekada, u shpalos sot si mashtrimi më i madh kombëtar. Për Gruevskin & Co., që nuk lanë gjë pa na bërë, duke na poshtëruar e denigruar si popull, duke na shtypur e sakatosur, duke na vrarë e burgosur, e duke na përzënë fëmijët drejt Perëndimit, politikanët tanë po iniciojnë dhe sjellin ligje, që do t’i amnistojnë veprat makabre të këtyre monstrave ndaj nesh si popull.

Burgjeve të Maqedonisë së Veriut, pikërisht shkaku i montimeve të Gruevskit, po dergjen qindra shqiptarë të pafajshëm, kurse atij përmes ligjit po i mundësohet jo vetëm amnistimi, por edhe kthimi i tij si hero në Maqedoninë e Veriut.

Po ua shkruaj politikanëve tanë edhe do vargje në stilin e Naimit, që t’ia këndojnë kur ta presin në aeroport si hero dhe mos të lodhen të hartojnë fjalime kot e kot:

Çekaj go çekaj go Makedonijo
Gruevski na bel avion
Koj doaga kako gulab sharen
Tatkovinata da ja oslobodi ooo

P. S. Këndohet edhe në kor, tok siç i keni ngritur gishtat për votim…
Shkruan Prof.Dr Arbër Çeliku në facebook

/ ms