Gjimnazi “Drita” në Kërçovë kërkon hapjen e paraleles së makinerisë, drejtori takim me zv.ministrin Driton Sulejmani
Drejtori i Gjimnazit “Drita” në Kërçovë, Lulzim Sadiku, ka dorëzuar një kërkesë zyrtare në ministrinë përkatëse për hapjen e paraleles së makinerisë, si një nevojë e identifikuar e shkollës dhe e tregut lokal të punës.
Në këtë kuadër, ai ka zhvilluar një vizitë pune dhe është pritur në një takim miqësor nga zëvendësministri Driton Sulejmani, me të cilin është diskutuar rëndësia e këtij drejtimi profesional për nxënësit dhe komunitetin.
Gjatë takimit u theksua se hapja e kësaj paraleleje do të ndikojë në përgatitjen e kuadrove të reja profesionale, duke iu përgjigjur kërkesave të tregut dhe duke krijuar mundësi më të mira për punësim për të rinjtë e Kërçovës dhe rrethinës.
/tvgurra
