Gjermani, 27-vjeçari shqiptar kapet në aeroport me dokumente të falsifikuara !

Rasti ka ndodhur të dielën, më 27 shtator 2026, gjatë kontrollit të daljes për një fluturim drejt Irlandës.
Sipas policisë kufitare, 27-vjeçari fillimisht i kishte paraqitur stafit të hipjes në bord një pasaportë belge të falsifikuar.

Pasi ishte pyetur lidhur me dokumentin, ai ishte fshehur në një tualet në zonën e nisjes, por më pas ishte gjetur nga policia.
Gjatë kontrollit, zyrtarët kanë gjetur te ai edhe një patentë shoferi rumune të falsifikuar dhe një patentë shoferi belge po ashtu të falsifikuar.

Në posedim të tij janë gjetur edhe dokumentet origjinale shqiptare.Policia i ka caktuar 27-vjeçarit një afat për t’u larguar nga Zona Schengen, ndërsa ndaj tij kanë nisur hetime për falsifikim dokumentesh dhe sigurim të dokumenteve zyrtare të rreme.

/ts