Festa e Kurban Bajramit – Interesim i madh për blerjen e kurbanëve, pavarësisht çmimeve të larta

Me afrimin e Festës së Kurban Bajramit, qytetarët kanë nisur përgatitjet për festën, ndërsa interesimi për blerjen e kurbanëve mbetet i madh edhe këtë vit.

Shumë qytetarë shprehen se çmimet janë dukshëm më të larta krahasuar me vitet e kaluara, duke e bërë më të vështirë përballimin e shpenzimeve familjare. Megjithatë, ata theksojnë se tradita dhe rëndësia fetare e kësaj feste mbeten prioritet.

Tregtarët nga ana tjetër arsyetojnë rritjen e çmimeve me kostot e larta të ushqimit dhe mirëmbajtjes së bagëtive.

Pavarësisht sfidave ekonomike, atmosfera festive tashmë ndihet në shumë vende, ku familjet përgatiten ta presin Bajramin me gëzim, solidaritet dhe humanizëm.

/tvgurra