Zgjedhjet, VMRO-DPMNE-ja mohon komunikimin me BDI-në !

VMRO-DPMNE-ja mohon kategorisikisht të ketë biseduar me BDI-në për zgjedhje të parakohshme parlamentare. Përgjigja vjen si përgënjeshtrim ndaj deklaratës së Bujar Osmanit, i cili kishte thënë se është komunikuar në forma të ndryshme me VMRO-në, se nuk ka rezistencë të madhe prej tyre dhe se në pranverë presin zgjedhje.

“Nuk ka dhe nuk ka pasur komunikim me BDI-në për zgjedhje të parakohshme. Më se paku që na shkon në mend është komunikimi me Bujar Osmanin për tema të tilla serioze. Bujari duket qartë se duke krijuar tema nacionaliste dhe të sajuara, po pretendon të bëhet aktual”, thonë nga VMRO-DPMNE.

Por, VMRO-DPMNE-ja dhe as kryeministri Mickoski nuk e ka hedhur poshtë mundësinë e zgjedhjeve të parakohshme në vitin 2027. Ai kishte thënë se kjo do të varej nga shumica e deputetëve në Kuvend.

LSDM-ja thotë se është e gatshme për zgjedhje dhe se për një marrëveshje të mundshme VMRO-BDI kishte paralajmëruar prej kohësh.
“Nuk është çështja a do të shkaktojë dikush diku zgjedhje. Në demokraci parlamentare punohet sipas programit të qeverisë ose sipas programit parazgjedhor të partisë. Keni një fletore 1198. Çfarë nuk radhitën dhe premtuan para zgjedhjeve.

Sipas vlerësimeve tona vetëm 5% është realizuar. Tani kërkojnë shkaktar për zgjedhje. Çfarë do ju premtojnë qytetarëve? Do të bëjnë zgjedhje atëherë kur të mos ketë para. Për bashkëpunimin me BDI-në ne kemi paralajmëruar moti dhe siç e shihni shumë nga gjërat që i kemi paralajmëruar, ja, kanë ndodhur”, deklaroi Venko Filipçe, Kryetar i LSDM-së VLEN është deklaruar kundër zgjedhjeve të parakohshme duke thënë se janë të fokusuar në realizimin e programit të qeverisë.

/Alsat.mk