Fatmir Limani del nga VLEN, Shkodran Alili hyn në orbitën e koalicionit?

Kongresi i fundit i VLEN-it duket se ka hapur një kapitull të ri në politikën lokale të Kërçovës. Mungesa e dukshme e Fatmir Limani në ngjarjen më të rëndësishme të koalicionit u lexua si sinjal i qartë i ndarjes përfundimtare me VLEN-in.

Në qarqet politike po përflitet se hapi i ardhshëm i tij mund të jetë afrimi me BDI në një skenar të ngjashëm me lëvizjen e Arianit Hoxha. Paralelisht, prania e Shkodran Alilit në kongres, i shoqëruar nga deputeti Adnan Azizi, ka ndezur spekulimet për hyrjen e tij në orbitën politike të VLEN-it.

Burime jozyrtare paralajmërojnë ndryshime kadrovike, rreshtime të reja dhe përplasje të mundshme brenda strukturave lokale në Kërçovë.

/tvgurra