Zvicra ndër vendet më të shtrenjta të naftës !

Çmimet e karburanteve janë rritur në Evropë, mes çrregullimeve të furnizimit me naftë të lidhura me konfliktin në Lindjen e Mesme. Sipas një krahasimi të publikuar më 22 shtator nga “The Local”, disa vende kanë ulur përkohësisht taksat për të lehtësuar koston për shoferët, transmeton albinfo.ch.

Në Zvicër, nafta arriti më 18 shtator në 2.41 franga për litër, duke kaluar rekordin e vitit 2022. Benzina 95 kushtonte rreth 2.10 franga. Autoritetet zvicerane nuk kanë ndërhyrë drejtpërdrejt në përcaktimin e çmimeve.

Në Gjermani, nafta kushtonte rreth 2.47 euro për litër, ndërsa në Francë 2.41 euro. Franca raportoi edhe mungesa të disa llojeve të karburantit në 16% të pikave të furnizimit.

Çmimet e naftës ishin rreth 2.24 euro në Austri, 2.03 euro në Suedi dhe 1.93 euro në Spanjë. Norvegjia dhe Danimarka mbetën ndër vendet më të shtrenjta të krahasimit.

/albinfo