Digjet një automjet në rrugën Kërçovë–Demir Hisar !

Në rrugën magjistrale Kërçovë–Demir Hisar, rreth orës 16:30, në afërsi të fshatit Prostrаnj të Kërçovës, ka shpërthyer zjarr në një automjet që ishte në lëvizje. Automjeti është ndalur në rrugë.

Në vendngjarje kanë dalë menjëherë ekipet e Njësisë Territoriale të Zjarrfikësve të Kërçovës, të cilët kanë intervenuar edhe në një pjesë të vogël të pyllit pranë vendit të zjarrit, njoftojnë burime nga njësia e zjarrfikësve.

Komunikacioni është zhvilluar në mënyrë alternative, ndërsa për një periudhë të shkurtër ka pasur edhe ndërprerje të qarkullimit, thonë burime për Porta.mk.

Sipas burimeve jozyrtare, fatmirësisht bëhet fjalë vetëm për dëme materiale, ndërsa shkaqet e zjarrit ende nuk janë sqaruar.

Apelohet për kujdes të shtuar për të gjithë ata që kalojnë në këtë aks rrugor, derisa të përfundojë këqyrja në vendngjarje dhe të pastrohet rruga nga mbetjet. Më shumë informacione priten gjatë ditës së nesërme në buletinin ditor për mediat.

/porta.mk