Deputetët zvicëran kundër xhamisë shqiptare prej 15 miljon frangash

Një shoqatë e myslimanëve shqiptarë planifikon ndërtimin e një xhamie të madhe në Fürstenlandstrasse, St. Gallen, me kosto rreth 15 milionë franga. Projekti është ende në fazë të hershme dhe nuk janë dorëzuar ende aplikime zyrtare.

Ndërtesa pritet të ketë rreth 1,000 m² dhe kapacitet për disa qindra besimtarë, si dhe hapësira shtesë si kafene dhe ambiente tregtare.

Projekti udhëhiqet nga Bashkësia Islame El-Hidaje, e cila ka mbledhur deri tani rreth 3 milionë franga. Detajet për financimin dhe afatet mbeten të paqarta.

Ndërkohë, tre këshilltarë kantonalë të SVP-së kanë ngritur shqetësime në parlament, duke kërkuar sqarime për financimin, ndikimin social dhe masat kundër ekstremizmit. Qeveria e St. Gallen-it ka tre muaj kohë për t’u përgjigjur.

/ms