Cërvica organizon turne futbolli për 50-vjetorin e KF Bashkimit

Sport

Në kuadër të shënimit të 50-vjetorit të KF Bashkimi Cërvicë (1976–2026), më 19 korrik 2026 do të organizohet një turne futbolli në Fushën Sportive të KF Bashkimi Cërvicë.

Turneu do të zhvillohet me pjesëmarrjen e vetëm 16 ekipeve, ndërsa ndeshjet do të luhen njëkohësisht në dy fusha, duke ofruar ritëm të shpejtë dhe një atmosferë të veçantë sportive. Sistemi i garës është 5+1 lojtarë (5 lojtarë në fushë dhe 1 portier).

Organizatorët kanë paraparë një fond tërheqës çmimesh:
vendi i parë do të shpërblehet me 1000 CHF, vendi i dytë me 400 CHF dhe vendi i tretë me 200 CHF.
Pjesëmarrja në turne është falas.
Ekipet e interesuara mund të regjistrohen në numrin 070 534 408.

Regjistrimet do të mbyllen sapo të plotësohen 16 vendet e parashikuara.
Ky aktivitet synon të festojë pesë dekada të historisë së KF Bashkimi Cërvicë, duke bashkuar sportdashësit në frymën e miqësisë, fair-play-t dhe festës sportive.

FOTO: