Mërgata bashkohet për Kf Vëllazërimin 1977!

Mbështetja për klubin e vetëm shqiptar të futbollit në Kërçovë po merr formë konkrete!
Deri më tani, këto shoqata dhe fondacione kanë konfirmuar përfshirjen e KF Vëllazërimit 1977 në buxhetin e tyre vjetor, duke e kaluar mbështetjen për klubin në votim dhe duke e miratuar atë në mënyrë unanime:

✅ Shoqata Kulturore Kërçova
✅ Shoqata Humanitare Greshnica
✅ Shoqata Tuhini
✅ Fondi Besa – Drogomisht
✅ Shoqata Humanitare Dortmund

Ky është një hap i rëndësishëm drejt krijimit të një lidhjeje edhe më të fortë mes mërgatës dhe vendlindjes, duke dëshmuar se KF Vëllazërimi është më shumë se një klub futbolli – është simbol i identitetit, traditës dhe bashkimit të kërçovarëve.
🙏 Falënderojmë përzemërsisht të gjitha shoqatat dhe bashkatdhetarët që po e mbështesin këtë nismë!

Presim që në vazhdim të na bashkohen edhe shoqatat e tjera, të cilave klubi u ka dërguar kërkesë zyrtare për përkrahje dhe përfshirjen e KF Vëllazërimit në buxhetet e tyre vjetore.

Mërgatë e dashur, kjo qoftë vetëm fillimi i një bashkimi të madh të kërçovarëve, kudo që jetojnë! 🇦🇱
Së bashku për klubin e zemrës, për fëmijët tanë, për rininë dhe për të ardhmen e futbollit në Kërçovë!
KF VËLLAZËRIMI MBI TË GJITHA! ⚪️🔵💪

/kercova.net