BDI shkaktarë për zbrazjen e Kërçovës! Shkruan Gafur Sefadini

Të gjithë mërgimtarët dolën jashtë me qëllimin që një ditë të ktheheshin në vendlindje. Mirëpo, gjatë 23 viteve të qeverisjes së BDI-së, mërgimtarët u braktisën dhe nuk iu ofruan mundësi për t’u kthyer në vendlindje.

Madje, BDI-ja shkoi edhe më larg nga sa e kishin menduar mërgimtarët. Patëm disa raste kur mërgimtarë u përpoqën të investonin në Kërçovë, por zyrtarët e BDI-së i kushtëzonin me ryshfet ose u kërkonin përqindje nga fitimi.

BDI-ja shkoi aq larg, saqë edhe vendasve që hapnin ndonjë biznes u merrte haraç, u vendoste gjoba ose ua mbyllte bizneset. Ndërsa qytetarëve u kërkonte mijëra euro ryshfet në këmbim të punësimit.

Me veprimet e saj, BDI-ja jo vetëm që nuk i krijoi mërgatës mundësi për t’u kthyer, por i detyroi të emigronin edhe ata që jetonin në Kërçovë. Sipas regjistrimit të fundit, falë BDI-së, Kërçova ka rreth 15 mijë qytetarë shqiptarë më pak.
Shkruan mërgimtari Gafur Sefadini

/ms