Aksident i rëndë në Turqi: Djaloshi nga Maqedonia me frakturë në qafë, kthehet nesër me avion qeveritar !

Një djalosh nga Maqedonia e Veriut nesër do të transportohet nga Turqia në vend me avionin qeveritar, pasi gjatë një rënieje nga një rrëshqitëse në Bodrum ka pësuar frakturë të një rruaze të qafës. Fëmija është i hospitalizuar në Turqi, por për shkak të seriozitetit të lëndimit nuk mund të transportohet me fluturim të rregullt pasagjerësh apo me transport tokësor.

Aktualisht janë duke u zhvilluar përgatitjet e fundit për transportin, pasi prindërit kanë kërkuar ndihmë nga institucionet kompetente në Maqedoni për kthimin e sigurt të fëmijës.

Për transportin do të përdoret avioni qeveritar, ndërsa me djaloshin do të udhëtojë edhe një ekip mjekësor, i cili do të monitorojë gjendjen e tij gjatë fluturimit. Autoritetet shëndetësore turke kanë miratuar transportin me rrugë ajrore, në vend të transportit me automjet mjekësor.

/ts