A po bëhet Gjimnazi i Kërçovës arenë e përplasjeve politike?

Shkarkimi i ushtruesit të detyrës së drejtorit të gjimnazit “Drita” në Kërçovë Lulzim Sadiku, ka ngritur reagime dhe pikëpyetje në opinionin publik, veçanërisht për momentin kur është marrë ky vendim.

Ndryshimi në menaxhment vjen vetëm pak javë para përfundimit të vitit shkollor, në një periudhë kur maturantët janë në fazën finale të obligimeve, ndërsa nxënësit e viteve të treta përgatiten për ekskursionet e planifikuara.

Pavarësisht koalicionit mes VLEN dhe VMRO-DPMNE në nivel qendror, në Kërçovë tensionet politike po dalin hapur. Kryetari Jovanovski shkarkoi Sadikun, kuadër i Alternativës, pa pëlqimin e strukturave lokale të VLEN-it.

Pas këtij vendimi, Fatmir Limani reagoi publikisht: “Donit luftë me mua? Shumë shpejt do përballeni në zgjedhje.”

Ky zhvillim ka hapur debat në opinion nëse institucionet arsimore po përdoren si terren i përplasjeve politike, në një periudhë kur fokusi duhej të ishte përfundimi i qetë i vitit shkollor.
Sa vërtet mendojmë për rininë ?

/tvgurra