A është e vërtetë që auslanderat ua marrin vendet e punës zviceranëve?
Më 14 qershor, Zvicra voton për iniciativën 10-milionëshe, ndërsa debati për imigracionin po dominon vendin. Shumë qytetarë besojnë se imigracioni po ndikon në tregun e punës dhe në pagat. Disa thonë se kompanitë po sjellin punëtorë më të lirë nga jashtë, ndërsa të tjerë argumentojnë se emigrantët plotësojnë mungesën e fuqisë punëtore, sidomos në shëndetësi, IT, banka dhe gastronomi.
Ekspertët e tregut të punës nuk pajtohen plotësisht. George Sheldon thotë se emigrantët kryesisht bëjnë punë që zviceranët nuk i duan dhe ndihmojnë ekonominë. Rafael Lalive paralajmëron se në disa sektorë, si IT, konkurrenca për punë është rritur për specialistët vendas.
Sipas statistikave, Zvicra ka gjithnjë e më shumë vende të lira pune, veçanërisht në sektorët e prodhimit dhe shërbimeve, ndërsa mungesa më e madhe mbetet te personeli i kualifikuar në infermieri.
/ms
