E rëndë në Gjermani: I riu shqiptar gjendet i pajetë në shtëpi, dyshimet e para..

Një ngjarje e rëndë ka ndodhur në Hamburg të Gjermanisë ku 33-vjeçari, Dritan Lalaj, me origjinë nga Frakulla e Fierit, është gjetur i pajetë.

Sipas raportimeve, policia gjermane gjeti trupin e tij në banesë në datën 1 nëntor. Dyshimet paraprake janë se mund të ketë kryer vetëvrasje.

Po sipas të afërmve, i riu i kishte shkruar një letër kushëririt të tij dy javë më parë ku i bënte të ditur se do të largohej nga kjo botë.

Komuniteti shqiptar ka mbledhur fonde për të mundësuar dërgimin e trupit pranë familjes e cila është në kushte të veshtira ekonomike.
Trupi i pajetë i 33-vjeçarit pritet të mbërrijë në Shqipëri pas disa ditësh.

/ina