Çka po ndodh ! Muhamet Sejdini humb mbështetjen nga Bordi Drejtues i FFM-së.. (FOTO)
Dhjetë nga gjithsej 16 anëtarë të Këshillit Drejtues të FFM-së kanë refuzuar t’i binden kryetarit të FFM-së, Muhamed Sejdinit, pasi sot i kanë bërë thirrje organeve kompetente për caktimin e seancës urgjente të Këshillit Drejtues të FFM-së.
Ky organ i federatës ka kohë që nuk mban mbledhje dhe njeriu i parë i federatës i zgjidh problemet në “Shtëpinë e futbollit” përmes Komisionit të Emergjencës. Tani duket se gjërat janë ekzagjëruar, posaqërisht pas një sërë njoftimesh në faqen e FFM-së, përmes së cilave janë publikuar mesazhe për institucionet shtetërore, pa informuar kryesinë e federatës dhe pa zhvilluar mbledhjen e Këshillit Drejtues të FFM-së për qëndrim dhe koordinim të përbashkët.
Muamed Sejdini është nisur për në Nion, pa e informuar Këshillin Drejtues të FFM-së, e më pas ka publikuar një deklaratë përmes së cilës thuhet se UEFA dënon ndërhyrjen e politikës në Federatë, pa sqaruar faktet dhe provat se një gjë e tillë ekziston në Maqedoni dhe FFM.
Mbledhjen urgjente të Këshillit Drejtues të FFM-së duhet të thërras Muamed Sejdini për t’u përballur me anëtarët e tjerë të Këshillit Drejtues, të cilët janë të zhgënjyer nga lëvizjet e fundit të kreut të Federatës, për arbitraritetin dhe dorëheqjen e të cilit, disa javë më parë, e kërkoi edhe drejtori sportiv Dani Masev.
Në vazhdim të tekstit është edhe vendimi dhe kërkesa e anëtarëve nga Këshilli Drejtues për shërbimet e FFM-së, me nënshkrimet e tyre për thirrjen e seancës urgjente të këtij organi të federatës.
Janë përpjekje të dëshpëruara për të përfunduar mandatin dhe për të krijuar një krizë futbolli dhe këto nuk do të kenë sukses për Muamed Sejdinin dhe këshilltarët e tij, të cilët duke dashur të inskenojnë probleme, duan të dëmtojnë shtetin me trillime dhe përgjime në UEFA dhe FIFA, të cilët kërkuan dhe do të kenë një takim me institucionet shtetërore.
Është koha që në Nion të marrin dëshmi për të gjitha punët e turbullta që kanë të bëjnë me federatën dhe kush ka pasur aktivitete politike para dhe pas zgjedhjeve parlamentare, edhe pse është rreptësisht e ndaluar që presidenti i FFM-së të ketë agjenda të tilla.
FOTO:
/alsatm
