Kurti: Forcat ushtarake serbe iu afruan kufirit të Kosovës !?

Kryeministri i Kosovës, Albin Kurti, ka bërë të ditur mbrëmë se forcat ushtarake serbe kanë bërë edhe një herë një provokim, duke iu afruar vetëm 50 metra nga kufiri me Kosovën, afër komunës së Kamenicës.

Kurti e ka ndarë këtë informacion në profilin e tij në Facebook, ku ka bashkangjitur foto ku shihen ushtarët serbë para se të tërhiqen, pas së cilës ata janë filmuar nga autoritetet e Kosovës.

Kurti theksoi se Kosova ka investuar dukshëm në strukturat e saj të inteligjencës dhe sigurisë dhe është e gatshme të përballet me çdo kërcënim ndaj integritetit territorial.

Ai ka theksuar se Serbia vazhdon me veprime hibride për rritjen e tensioneve dhe destabilizimin e rajonit, ndonëse, sipas tij, mundësitë për manovra të tilla janë në rënie.

“Këto provokime nuk janë të reja, por tregojnë mungesë respekti të vazhdueshme për sovranitetin e Kosovës”, tha Kurti, duke theksuar rëndësinë e monitorimit të kujdesshëm të situatës.

Deri më tani, Beogradi zyrtar nuk ka reaguar ndaj akuzave të Kurtit. Situata në terren mbetet e tensionuar dhe tensionet politike dhe ushtarake në rajon vazhdojnë të jenë sfidë për stabilitetin e Ballkanit.

Kurti ka treguar gjithashtu se për ruajtjen e paqes nevojitet vazhdimi i dialogut dhe mbështetja ndërkombëtare, duke theksuar se vetëm përpjekjet e përbashkëta mund të parandalojnë përshkallëzimin e mëtejshëm të konfliktit.

/alsatm