Rama: Si çdo pyll kemi kemi derrat tanë !

Kryeministri i vendit Edi Rama ka zhvilluar një takim me kandidatët e platformës ‘Deputeti që Duam’. Ai tha se Shqipëria sot është shumë më ndryshe nga sa ishte kur PS mori pushtetin, por shtoi se punët e arritura deri tani duhet që t’i motivojnë për të bërë edhe më shumë. Gjithashtu u ndal edhe te Reforma në Drejtësi, të cilën e quajti një sukses. Rama tha se PS ka qenë dhe është e vetmja forcë politike, pavarësisht gabimeve që ka bërë.

“Si çdo pyll kemi pasur dhe kemi derrat tanë”, tha Rama ndër të tjera.
Kreu i qeverisë shtoi se tani korrupsioni po goditet në nivele të lartë që më par nuk imagjinoheshin.

Rama: Kudo dhe kurdo ne kemi qeverisur, edhe kur kemi bërë gabime të mëdha, ka qenë shumë e qartë që kemi qenë e vetmja parti politike. Kemi bërë shumë të mira, kemi bërë edhe shumë gabime. Si çdo pyll kemi pasur dhe kemi derrat tanë, është e pashmangshme. Sot na vihet një “tam tam” nga mbrapa që duhet të ndihemi fajtorë pse drejtësia po nxjerr të palara brenda perimetrit të shtëpisë sonë. Si mund të ndihemi fajtorë për këtë kur ne këtë e donim dhe krijuam mundësinë që të nbodhë. Të thuash sot që Shqipëria është më e korruptuar në krahasim me 10 vite më parë është totalisht të flasësh përçart.

Kjo bazohet në të dhëna. Një vend që ka bërë këto transformime dhe që i ka krijuar mundësi njerëzve s’mund të jetë më i korruptuar. Një vend ku goditet korrupsioni edhe në nivelet paimagjinueshme më parë, s’mund të jetë i korruptuar. Të marrësh një vend pas shembjes së komunizmit dhe ta çosh në tryezën e BE-së, ka qenë një përpjekje e lidhur me luftën kundër korrupsionit, jo vetëm në Shqipëri por edhe në vendet e tjera.

/vizionplus