Deputetët zviceranë refuzojnë ligjin që të huajt të mund tu bëjë letra prindërve..!

Aktualisht, shtetasit zviceranë kanë më pak të drejta se shtetasit e BE/EFTA për sa i përket ribashkimit me anëtarët e familjes nga vendet e treta.
Siç qëndron tani, shtetasit zviceranë mund të aplikojnë për një leje hyrjeje për bashkëshortin ose partnerin e tyre të regjistruar jashtë BE/EFTA (Norvegji, Islandë dhe Lihtenshtajn), si dhe për fëmijët e tyre nën moshën 18 vjeç, por nuk munden sjellin prindërit e tyre për të jetuar në Zvicër, transmeton albinfo.ch.

Kjo ka të bëjë kryesisht me shtetasit e natyralizuar (shpesh të dyfishtë) të cilët mund të dëshirojnë që prindërit e tyre të vendeve të treta të jetojnë në Zvicër.

Kushtet e bashkimit familjar janë më pak të rrepta për anëtarët e familjeve të shtetasve zviceranë nga shtetet e BE/EFTA – atyre u lejohet të sjellin bashkëshortin ose partnerin e tyre të regjistruar, çdo fëmijë dhe nipër nën moshën 18 vjeç, si dhe prindërit dhe gjyshërit e tyre, raporton thelocal.

Qytetarët e BE/EFTA që jetojnë në Zvicër kanë të njëjtat të drejta të bashkimit familjar si zviceranët në lidhje me të afërmit e tyre (EU/EFTA) që mund të sjellin në Zvicër, ku përfshihen prindërit.

Një projekt-ligj i miratuar nga Këshilli Kombëtar gjatë seancës parlamentare të verës u fokusua në mënyrat për të lejuar qytetarët zviceranë të sjellin të afërmit e tyre nga vendet e treta në Zvicër.

Me këtë amendament të propozuar, qytetarët zviceranë do të mund të sjellin prindërit e tyre nga një vend i tretë, me kusht që të kenë mjete të mjaftueshme financiare për të jetuar në Zvicër pa përdorur ndihmë sociale ose pa kërkuar punë, të kenë strehim të përshtatshëm dhe të integrohen.

Projekti synonte gjithashtu të eliminonte diskriminimin që pësonin qytetarët zviceranë në krahasim me homologët e tyre të BE/EFTA në lidhje me pranimin e anëtarëve të huaj të familjes së tyre nga vendet e treta në kuadër të bashkimit familjar.

Por të mërkurën, një komitet i Këshillit Kombëtar vendosi të mos vazhdojë me këtë masë.
‘E paparashikueshme dhe e panevojshme’

Shumica e ngushtë e deputetëve vuri veton ndaj lehtësimit të propozuar të rregullave të bashkimit familjar, duke i cilësuar ato si “të paparashikueshme dhe të panevojshme”, veçanërisht për sa i përket rritjes së mundshme të emigracionit nga vendet e treta – i cili ka qenë subjekt i një sërë kufizimesh.

Komisioni gjithashtu theksoi se “pasojat e projektit në drejtim të imigrimit shtesë në Zvicër nuk mund të vlerësohen.
“Prandaj, miratimi i projektit pa ndonjë siguri në këtë pikë do të përbënte një hap në të panjohurën, gjë që nuk është politikisht e mbrojtur.”

Deputetët shpjeguan vendimin e tyre për të mos diskutuar më tej këtë çështje duke thënë se “nuk mund të përjashtohet që ky ndryshim në ligj mund të gjenerojë një fluks të paparashikueshëm të të ardhurve të rinj në Zvicër” – gjë që po ngjall shqetësime në disa qarqe se Zvicra është në rrugën e saj, për t’u bërë një vend me 10 milionë banorë për shkak të fluksit të të huajve në vitet e fundit.

/ts