Mexhiti tha se BDI nuk ka kauzë për protesta, Bekteshi: BDI-ja është po e njëjta, bile po përmirësohet..

Në Daily Click në TV21, Kreshnik Bekteshi nga BDI komentoi deklaratën e Izet Mexhitit ku tha se “BDI nuk ka akuzë për protesta”, përcjell TV21. Bekteshi tha se një parti me eksperiencë si BDI nuk mund të ndryshojë për disa muaj, qe siç tha, BDI po përmirësohet ndërkohë që, për Izet Mexhitin, tha se duhet të reflektojë dhe t’u tregojë qytetarëve se çfarë ka ndryshuar tek ai.

“Nuk dua të komentoj deklaratat e zotëri Mexhitit për shkak se para disa viteve ka qenë pikërisht zotëri Mexhiti i cili e ka ngritur figurën e Ali Ahmetit në tubime të ndryshme, emisione debative, ai që ka mbrojtur kauzat e BDI, programin e BDI dhe nuk besoj se një parti politike e cila ka një eksperiencë mbi 20 vite.

Mundet brenda disa muajve të ndryshojë ato parimet kryesore dhe objektivat për të cilat është formuar. Është e çështje e zotëri Mexhitit i cili duhet të reflektojë dhe t’u sqarojë qytetarëve se çfarë ka ndryshuar te zotëri Mexhiti për shkak se BDI është e njëjta bile po përmirësohet”, tha Bekteshi.

/ts