Autorët e vrasjes në Maqedoni janë banorë të Winterthurit në Zvicër..

Një 35-vjeçar është vrarë me armë zjarri në qytetin e Debreshit në Maqedoninë e Veriut. Për këtë vepër dyshohen dy burra nga Winterthuri i Zvicrës
Një burrë 35-vjeçar nga fshati Debresh, rreth dhjetë minuta me veturë nga qyteti i Gostivarit të Maqedonisë së Veriut, pasditen e së martës u qëllua për vdekje. Për krimin dyshohen dy persona ndërsa mediat nga Maqedonia shkruajnë se ata janë nga Zvicra.

Mësohet se viktima ka mbetur i plagosur për vdekje me automatik. Menjëherë më pas policia arrestoi dy vëllezërit të cillët janë nga i njëjti fshat, transmeton portali Shtegu. Ata po udhëtonin me një Volvo me targa zvicerane.

Një lexues i gazetës „20 Minuten“ pretendon se i njeh dy autorët. Ai aktualisht ndodhet në Debresh. “I gjithë fshati e di, ai u pa”, pohon lexuesi në fjalë. Autori kryesor është vetëdorëzuar në polici, thotë ai. Vëllai i sulmuesit tha se vëllai i tij e vrau viktimën për ta mbrojtur atë. Sipas lexuesit, autori kryesor jeton në Winterthur.

Ministri i Punëve të Brendshme Pançe Toshkovski foli për tre të dyshuar. Mbrëmjen e së martës ai ka njoftuar: “Pas një kohe të shkurtër autorët, konkretisht B.V. (28), J.V. (31) dhe Lj.V. (32), janë privuar nga liria”.

/shtegu