Prof. Dr. Sadik Emroja vizitoi sot drejtorin e ansamblit z.Shkodran Tolaj
Sot për herë të parë, pas pesë vitesh prof.Dr.Sadik Emroja i shoqëruar me zonjën e tij Zelije, ka vizituar drejtorin e ansamblit Shkodran Tolaj! Ai ka biseduar gjërë e gjatë duke ndarë momente të veçanta të angazhimit të tij si ish- student në jetën kulturore në Kosovë andaj Ansamblin shtetëror e quan “zgjim kombëtar e kulturor” për shqiptarët e Maqedonisë së Veriut të cilët kanë patur aq nevojë për evidentimin, gjurmimin, arkivimin e vlerave të kësaj ane. Zonja Zelije si një nga gratë më të zonjat në fushën e artizanatit foli rreth brengës se sa pak ka materiale origjinale për veshje kombëtare sot dhe sa pak janë ato gra që bëjnë punën e dorës- traditë e jona e dikurshme!
Të dy përgëzuan drejtorin Tolaj i cili po bën krenarë shqiptarët në Maqedoni dhe falë angazhimit të tij ka arritur që këtë institucion ta shëndërrojë në kryefjalë të jetës kulturore shqiptare!
Drejtori Tolaj i falenderoi shumë për vizitën duke u shprehur mirënjohës për mbështetjen që i kanë dhënë në çdo hap në punën artistike tash e disa vite me radhe! Për arkivën e tyre u dhuroi të gjitha Audio- Cd- të dhe monografitë e edituara dhe botuara nga ansambli që paraqesin punën më kolosale dhe të vlefshme për evidentimin e kulturës sonë që do të jetë pasuri e brezave të tërë!
/ms
