Boris Johnson fiton plotësisht betejën me koronavirusin, testi i radhës rezulton negativ

Kryeministri i Britanisë, Boris Johnson është shëruar plotësisht nga virusi vdekjeprurës COVID-19, pasi ka rezultuar negativ në testin e fundit.

Lajmin e ka bërë të ditur zëdhënësi i tij, i cili ka konfirmuar se ka dalë nga spitali ditën e djeshme dhe është transferuar në Checkers për t’u rikuperuar plotësisht.

“Është e paqartë kur Kryeministri do të kthehet në punë edhe pse për momentin ai thuhet se po ndjek këshillat mjekësore. Ai do të konsultohet me mjekët para se të kthehet përsëri”, tha zëdhënësi.

Johnson tha dje se nuk kishte “asnjë dyshim” që NHS shpëtoi jetën e tij, ndërsa ai luftonte me virusin.

“Është shumë e vështirë të gjesh fjalët për të shprehur borxhin tim ndaj NHS, por para se të arrij tek ajo, dua t’i falënderoj të gjithë në Mbretërinë e Bashkuar për përpjekjen dhe sakrificën që kanë bërë dhe po bëjnë”, tha Johnson.

/lajmpress