Kim Jong Un i Koresë së Veriut urdhëron forcat ushtarake të rrisin përgatitjet për luftë..!
Udhëheqësi i Koresë së Veriut, Kim Jong Un, ka urdhëruar ushtrinë e vendit të tij, forcat e armëve bërthamore dhe industrinë e municioneve që të përshpejtojnë përgatitjet e luftës për të kundërshtuar “lëvizjet konfrontuese të ShBA-së”, kanë thënë media shtetërore, raporton Skynews.
Duke folur për drejtimet e politikave për vitin e ri në një takim kyç të partisë në pushtet të vendit të mërkurën, Kim tha gjithashtu se Pheniani do të zgjerojë bashkëpunimin e tij me vendet “anti-imperialiste të pavarura”, njoftoi agjencia e lajmeve koreano-veriore KCNA.
“Kim parashtroi detyrat militante për Ushtrinë Popullore dhe industrinë e municioneve, armëve bërthamore dhe sektorët e mbrojtjes civile për të përshpejtuar më tej përgatitjet e luftës”, tha KCNA.
Ai shtoi se ishte në përgjigje të “lëvizjeve konfrontuese (anti-Korenë e Veriut) nga ShBA dhe forcat e saj vasale të paprecedentë në histori”.
Koreja e Veriut ka forcuar lidhjet me Rusinë – ndër të tjera – ndërsa Uashingtoni akuzon Phenianin se i ka ofruar ndihmë ushtarake Moskës për ta përdorur në luftën e saj me Ukrainën.
Koreja e Jugut është zotuar për një hakmarrje të ashpër ndaj çdo provokimi nga Veriu, mes frikës se do të nisë një sulm ushtarak dhe kibernetik përpara zgjedhjeve parlamentare të Koresë së Jugut në prill dhe zgjedhjeve presidenciale në SHBA në nëntor.
Të enjten, presidenti i Koresë së Jugut, Yoon Suk Yeol, vizitoi një njësi ushtarake të vijës së parë në qarkun lindor Yeoncheon për të inspektuar pozicionin e saj mbrojtës dhe bëri thirrje për hakmarrje të menjëhershme nëse do të kishte ndonjë provokim nga Koreja e Veriut.
“Unë ju bëj thirrje që menjëherë dhe me vendosmëri të shtypni vullnetin e armikut për një provokim në vend”, u thaYoon trupave.
Vëzhguesit thonë se Kim ka të ngjarë të shpresojë të përdorë arsenalin e tij të rritur si levë në diplomacinë e mundshme me Uashingtonin, ndoshta pas zgjedhjeve presidenciale në ShBA në nëntor të vitit të ardhshëm.
Gjatë plenumit të partisë, Kim parashtroi edhe synimet ekonomike për vitin e ri, duke e quajtur atë një “vit vendimtar”.
Takimi i Partisë së Punëtorëve pritet të zgjasë disa ditë dhe media shtetërore pritet të publikojë detaje të diskutimeve të tij pas përfundimit, me gjasë më 31 dhjetor.
Ekspertët thonë se Koreja e Veriut pritet të dalë me premtime për të forcuar aftësinë e saj të sulmit bërthamor dhe për të zgjeruar bashkëpunimin me Rusinë dhe Kinën, të cilat gjithashtu janë të bllokuara në konfrontime të veçanta me ShBA-në
/ts
