Gjashtë shenjat paralajmëruese të kancerit të gojës..!

Rastet dhe vdekjet e kancerit të gojës janë më të larta se kurrë një “pasojë shkatërruese” e mungesës së kujdesit dentar të NHS, ka paralajmëruar një organizatë bamirëse.
Sëmundja merr më shumë se 3000 jetë në vit – shpesh për shkak se diagnostikohet vonë, gjë që Fondacioni i Shëndetit Oral paralajmëroi se është një “pasojë shkatërruese” e “mos disponueshmërisë së shërbimeve thelbësore dentare”.

Doktori, Nigel Carter, shefi ekzekutiv i Fondacionit të Shëndetit Oral, tha: “Mungesa e kujdesit dentar të aksesueshëm të NHS nuk është vetëm një çështje e dhimbjeve të dhëmbëve dhe kaviteteve, është një katalizator i heshtur për tragjedinë”, shkruan The Independent, Cilat janë shenjat paralajmëruese?

Neil Sikka, një dentist në Bupa Dental Care, tha se shenjat kryesore paralajmëruese të kancerit të gojës përfshijnë:
-Ulçera në gojë që nuk shërohet brenda tre javësh,
-Çdo ënjtje ose gungë e pashpjegueshme në gojë ose rreth nofullës,

-Çdo njollë e kuqe ose e bardhë në gojë, e cila mund të bëhet e ndjeshme,
-Dhëmbët lirohen pa ndonjë arsye të dukshme,
-Vështirësi në gëlltitje,
-Zhvillimi i një zëri të ngjirur ose vështirësi në të folur.

“Është e rëndësishme të mbani mend se nëse keni këto simptoma, nuk do të thotë se dikush ka kancer në gojë”, shtoi Sikka. “Por ato janë gjëra që kërkojnë hetim të mëtejshëm”.

/ts