Vuçiq: Është puna jonë se ku e vendosim ushtrinë..!

Presidenti serb Aleksandar Vuçiq ka thënë se është i vetëdijshëm se Perëndimi është i interesuar vetëm për Banjskën. Ai në konferencën e përbashkët me shefin e NATO-s, Jens Stoltenberg theksoi se është punë e Serbisë se ku do të vendosë forcat e saj ushtarake.

“Ku do ta vendosim ushtrinë është punë e jona, në përputhje me Kushtetutën e Serbisë dhe pa rrezikuar askënd”, tha Vuçiq në përgjigje të deklaratës së Stoltenbergut se trupat shtesë të ushtrisë serbe në kufi me Kosovën nuk do të kontribuojnë në de-përshkallëzim.

Nga Beogradi, shefi i NATO-s deklaroi se themelimi i Asociacionit të Komunave me shumicë serbe është çelësi për normalizimin e marrëdhënieve ndërmjet Prishtinës dhe Beogradit.

/infoshqip