Policia kantonale e Cyrihut, bën hallakam në Olten..

Një operacion i madh policor u zhvillua sot në qytetin Olten. Policia mori disa qiramarrës në pyetje teksa arsyeja është ende e paqartë, shkruan 20min.ch, përcjell albinfo.ch.

Një operacion i madh policor i udhëhequr nga policia kantonale e Cyrihut u zhvillua sot në Haslistrasse të Olten që nga mëngjesi, ndërsa përveç forcave policore, në vendngjarje duhet të jetë edhe prokuroria publike.

Sipas njoftimit, punonjësit e policisë kanë nxjerrë dy kompjuterë nga godina e mbyllur, teksa dy qiramarrës janë marrë në pyetje. Pasdite, bimët dhe disa thasë u pastruan nga ndërtesa, por është ende e paqartë për çfarë bimë bëhet fjalë.

Një dëshmitar për “TeleM1” tha se operacioni filloi rreth orës katër të mëngjesit, ku “mbi 200 oficerë policie” hynë në ndërtesë.
Ishte si në luftë, u shpreh ai, i cili edhe pse nuk ishte i përfshirë në këtë çështje, policia e mori në pyetje për disa orë.

“Më treguan fotot e autorëve. Mesa duket, këta tre autorë kanë rrëmbyer dikë në Cyrih. Policia me siguri supozon se ky person është vrarë”, raporton një tjetër dëshmitar.

/albinfo