Stuhi e vërshime në Gjermani situata alarmante..(VIDEO)
Një stuhi me reshje të dendura të shiut ndodhi të mërkurën mbrëma në Frankfurt të Gjermanisë. Dhjetëra aeroplanë nuk mundën që të niseshin nga aeroporti më i madh në vend për shkak të motit të lig dhe ujit të grumbulluar në pistë, sipas gazetës “Bild”.
Raportohet se zjarrfikësit u detyruan që të ndërhynin në 515 raste nga ora 21 të mërkurën deri në orën 5 të mëngjesit të enjten. Në këto raste u përfshinë 17 zjarre, 374 misione shpëtimi për shkak të 357 rrjedhjeve të ujit në ndërtesa dhe 17 raste të rrëzimit të drurëve.
Rreth 70 anulime të fluturimeve u vërejtën në uebfaqen e aeroportin para fillimit të ndalimit të fluturimeve gjatë natës. 23 aeroplanë që ishte planifikuar të aterronin aty u devijuan për në aeroporte të tjera për shkak të këtij vendimi. Sipas zyrtarëve të aeroportit, një numër katërshifror i pasagjerëve janë prekur nga pengesat.
Qindra zjarrfikës u aktivizuan në Hesse për shkak të bodrumeve, rrugëve e nënkalimeve të vërshuara. Shërbimi Gjerman i Motit kishte lëshuar paralajmërim për stuhi të fuqishme me reshje të dendura nga e mërkura në mbrëmje për tërë shtetin Hesse dhe për pjesë të tjera të Gjermanisë.
Në Gelsenkirchen, raportohet se uji i vërshimeve arriti deri në një metër thellësi në disa rrugë. Disa prej tyre mund të kaloheshin vetëm me barka. Deri në orën 4 të mëngjesit, zjarrfikësit numëruan 150 ndërhyrje. Raportime të ngjashme pati edhe nga Herne.
Nga stuhia është prekur edhe Thuringia. Vetëm në Erfurt, zjarrfikësit u detyruan që të ndërhynin më shumë se 200 herë. Reshjet e dendura shkaktuan vërshim të sistemit të kanalizimit. Dy kamionë u rrokullisën nga era e fuqishme, ndërsa drejtuesit e tyre janë lënduar lehtë, sipas policisë.
VIDEO:
Germany – Frankfurt International Airport: The buildings have flooded with masses of water after heavy rainfall, caused by a thunderstorm. The cancellation of many flights have been reported. pic.twitter.com/EtbAVKD7fF
Advertisement— Jack Straw (@JackStr42679640) August 17, 2023
/nacionale
