Gazetari: Harxhova 2500 € për 6 net në Durrës, i kënaqur nga çmimet..

Gazetari nga Presheva, Dashnim Hebibi tha në një intervistë për “Good morning Albanians” në Euronews Albania se ka harxhuar 2500 euro për 6 netë në Durrës.
Sipas tij çmimet ishin të kënaqshme. Hebibi jeton dhe punon në Zvicër, ndërsa zgjedh gjithmonë Shqipërinë për pushimet e tij të verës, por ajo që e shqetëson është papastërtia dhe fakti që qytetarët nuk e respektojnë turizmin.

Na duhet një kurs, se si ti kalojmë pushimet verore në deti? Nuk është keq me u organizu! Idea nuk është e keqe i bënë mirë detit!
Deri kur me gërdi? Cigare, fara luledielli, letra të ndryshme, shishe të pijeve, lëvore të bananeve, fara të qershive etj, në rërën e detit e besa edhe në deti. O milet, ta ruajmë këtë pasuri, që na ka fal zoti! Po habiten edhe turistët e huaj. Trishtim e pislliqe! Deri kur kështu?

Nuk është turp mos me dit, por duhet me u mësu, se si bëhet deti dhe jo me e dëmtu detin dhe pushuesit! Sinqerisht, nuk na bënë puna! E si deti jonë nuk ka. Gjithandej shkova, por në Shqipëri kënaqem. Ata tipa, duhet dënuar! Nga zemra e plast për disa, që nuk kanë ndërgjegje… Definitiv na duhet një kurs se si bëhet pushimi në deti!

“Çmimet thonë se janë të larta, por nuk ishin. Unë kam drekuar dhe darkuar në një restorant të jashtëzakonshëm, shumë të mirë, edhe në hotel, por dhe në një restorant tjetër. Përafërsisht, plus, minus, 2500 euro kam harxhuar për 6 net. Domethënë 150-200 euro ka shkuar dita, pa lojërat e çunit me ato makinat, e lojëra të tjera,” – u shpreh Hebibi.

/euronews