Tragjedi në familjen shqiptare në SHBA, 49-vjeçari vret gruan dhe më pas veten..!

HUNTERTOWN, IN – Duke treguar edhe fotografin e viktimës televizioni WAYNE TV tha se kjo është Arjana Gllafçe, gruaja 48-vjeçare e cila u qëllua për vdekje me armë nga burri i saj, Arben Gllafçe.

Tragjedia ndodhi në Fort Wayne të Hundertown në shtetin Indiana, ku siç raportohet, Arbeni ishte ai i cili qëlloi disa herë mbi gruan e tij dhe më pas qëlloi për vdekje edhe veten, përcjell INA.

Ata kishin dy djem, një 24 vjeç dhe një tjetër në moshë minorene autik.
Kur oficerët e policisë arritën brenda banesës, ata gjetën të vdekur Arjanën dhe Arbenin. Ekipet e ndihmës së shpejt po ashtu mbërritën në vendin e ngjarjes. ku konstatuan vdekjen.

Familjarët e të dyve janë njoftuar për vdekjen. Ndërsa ata kërkojnë ndihmë për fëmijët që kanë mbetur jetim.

/(INA)