Volley Schönenwerd, kampion i Zvicrës, mes tyre edhe dy shqiptarë..

Volley Schönenwerd është shpallur kampion i Zvicrës për herë të parë, shkruan albinfo.ch.
Volley Schönenwerd humbi 2:0 në fillimin e serisë së finales më të mirë nga pesë kundër Volley Amriswil.

Por Solothurn u kundërpërgjigj në një mënyrë mbresëlënëse, fitoi tri ndeshjet e fundit në Betoncoupe Arena në Schönenwerd, me rezultat 3:0 (25:22, 25:20, 25:23) dhe me të titulli i parë kampion për Volley Schönenwerd në historinë e skuadrës.

Volley Schönenwerd është klub me bagazh e traditë të madhe në volejbollin zviceran, aktiv qysh nga viti 1980.

Merita për këtë ka edhe trajneri i mirënjohur shqiptar dhe drejtor sportiv në klubin zviceran, Bujar Dervishaj, si dhe ndihmëstrajneri Adriatik Kajtazi, të cilët kanë bërë një punë të madhe në klubin zviceran, që në fund u kurorëzua me titullin e kampionit.

/albinfo