Ja si Gjermania do ia marrë njerëzit Ballkanit..!

Gjermania ka paraqitur një draft të reformës së migracionit, e cila, ndër të tjera, parashikon stimuj të rinj për emigrantët nga vendet jashtë Bashkimit Evropian.

Ku Berlini anashkalon faktin se do të jetë në gjendje të tërheqë 50,000 punëtorë nga vendet e Ballkanit Perëndimor në baza vjetore.

“Ne po hedhim themelet për një fillim të ri të politikës së migracionit”, tha ministri gjerman i Financave, Christian Lindner në Twitter, duke shtuar se Gjermania mirëpret të gjithë punëtorët e kualifikuar që mund të ndihmojnë rritjen ekonomike të vendit, raporton Reuters.

Pjesë e reformës është një ligj i ri për imigracionin që synon të ndihmojë njerëzit nga vendet jashtë BE-së që duan të punojnë në Gjermani.

Mungesa e fuqisë punëtore në vend
Pas kësaj reforme, numri i punëtorëve të huaj nga vendet jashtë BE-së mund të rritet me 60,000 në vit, sipas projektligjit të parë nga Reuters.

Projektligji parashikon se të huajt mund të punësohen në Gjermani në tre mënyra – nëse kanë një diplomë universitare ose certifikatë kualifikimi për punë të njohur nga ky vend, dhe një kontratë me një punëdhënës; nëse kanë të paktën dy vjet përvojë pune në sektorin përkatës dhe një diplomë ose certifikatë të formimit profesional (AFP) ose nëse kanë potencial për të gjetur një punë në atë vend.

Kabineti i kryeministrit gjerman Olaf Scholz dëshiron të zëvendësojë mungesën e fuqisë punëtore në vend me këtë reformë, përfundon agjencia britanike.

Rregullat ligjore për qytetarët e vendeve të Ballkanit Perëndimor që kërkojnë punë në Gjermani do të zgjaten dhe nuk do të skadojnë në fund të këtij viti, siç ishte planifikuar fillimisht.

Kjo është dhe përgjigja e pyetjes se pse po ka ikje (të shqiptarëve, kosovarëve, shqiptarëve të Maqedonisë, serbëve, kroatëve, bullgarëve e rumunëve gjithashtu), nga Ballkani. Kjo sa i përket tërheqjes së jashtme prej një oferte tunduese nga Perëndimi.

/tesheshi