Rritje alarmante e kriminalitetit në Zvicër..!

Zyra Federale e Statistikave në Zvicër ka publikuar të dhënat e fundit për vitin 2022 sa i përket kriminalitetit. Sipas statistikave, ka rritje krahasuar me vitet paraprake.

Numri i krimeve të rënda është rritur dukshëm që gjatë vitit 2022 janë regjistruar 1942 raste, ose 16,6% krahasuar me një vit më herët.

Përdhunimet po ashtu kanë shënuar rritje në Zvicrës, sipas FSO, kjo rritje është 14.5%, u regjistruan 867 raste, lëndimet e rënda trupore u rritën për 17,2% dhe u kryen gjithsej 42 vrasje në Zvicër gjatë vitit 2022.

Nga të gjitha vrasjet, 25 kanë ndodhur në shtëpi. 15 gra dhe një burrë u vranë në partneritete aktuale ose të mëparshme. Pesë nga viktimat ishin fëmijë të vrarë nga një prind, përcjell albinfo.ch.

Edhe numri i rasteve të vjedhjeve është rritur dhe, sipas FSO, është në nivelin e njëjtë sikur para pandemisë. U regjistruan 35.732 raste vjedhjeje, një rritje prej 14 për qind krahasuar me vitin pandemik 2021.

Po ashtu pati rritje të vjedhjeve të xhepave me 20%, gjithsej 46,385 automjete u raportuan të vjedhura në vitin 2022, 15,9% më shumë se një vit më parë. Midis tyre ishin 14,153 biçikleta elektronike, një rritje prej 58.7% krahasuar me një vit më parë, përcjell albinfo.ch.

Në vitin 2022 janë regjistruar 33.345 krime me të ashtuquajturin komponent dixhital, një rritje prej 9.9%. Shumica e tyre janë krime kibernetike. Rritja është kryesisht për shkak të rasteve të phishing (+84.8%), sextorsion (para) (+54.0%) dhe mashtrimit të investimeve online (+29.2%), përcjell albinfo.ch.

/albinfo