Njihuni me Mira Muratin shqiptarja që punon në ChatGPT (FOTO)

Mira Murati është pjesë e grupit të punës që kanë krijuar një nga risitë teknologjike, në dukje më impaktuese që është bërë ndonjëherë në këtë fushë.

Mbarë bota po diskuton për rëndësinë e jashtëzakonshme të këtij inovacioni që me sa ‘premton’ se në të ardhmen, do të ndryshojë shumëçka në jetën e përditshme të njerëzve. Bëhet fjalë për ChatGPT.

Murati është 35 vjeçe, me orgjinë nga Shqipëria dhe sipas asaj që shkruhet në internet ka lindur në San Francisco, SHBA. Ajo është shefe teknologjisë (chief technology officer) në OpenAI, ku drejton ekipet DALL-E dhe ChatGPT.

ChatGPT tërhoqi vëmendjen e publikut pas daljes së tij në fund të nëntorit. Ndërsa disa shkolla po e ndalojnë përdorimin e këtij programi, ‘Microsoft’ bëri me dije për një investim 10 miliard dollarë me shqetësimin se teknologjia mund të dëmtojë ‘Google Search’. ‘Aktualisht ChatGPT është në fazën e rishikimit dhe mendoj se ka potencialin për të revolucionarizuar mënyrën se si mësojmë.

Në një klasë me 30 persona secili ka sfond të ndryshëm, mënyra të ndryshme mësimi dhe që të gjithë marrin në përgjithësi të njëjtin program mësimor.

Me mjete si ChatGPT mund të bisedosh pa fund me një model për të kuptuar një koncept në një mënyrë specifike që i përshtatet nivelin tënd të të kuptuarit.

Ky është një moment unik në të cilin sigurisht kemi shqetësime për mënyrën se si ndikon te shoqëria dhe kjo vlen në të dy kahet: teknologjia na jep formë ne dhe ne i japim formë asaj.

Ka mijëra pyetje rreth impaktit shoqëror, ka shumë pyetje etike e filozofike që duhet t’i marrim në konsideratë. Është shumë e rëndësishme që të dëgjojmë zëra të ndryshëm, nga filozofë, shkencëtarë të shkencave shoqërore, artistë e njerëz nga shkencat humane.’ ka thënë mes të tjerash shkencëtarja shqiptare për ‘Time’ duke iu përgjigjur pyetjeve të gazetarit John Simons.

FOTO:

/albora