Pamje rrëqethëse: Babai vajton kur sheh kufomën e djalit që i vdiq pas tërmetit në Turqi (VIDEO)

Një video rrëqethëse është publikuar në rrjetet sociale pas tërmetit të fuqishëm në Turqi që shkaktoi më shumë se një mijë viktima deri më tani.

Siç shihet në video babai nuk mund t’i përmbajë lotët kur sheh kufomën e djalit të tij të vogël, i cili u nxor nga rrënojat.

Më shumë se 2.300 njerëz kanë humbur jetën në Turqi dhe Siri nga tërmeti i fuqishëm me magnitudë 7.8 ballësh të Rihterit, i cili i goditi të dyja vendet mëngjesin e hershëm të së hënës dhe lëkundjet tjera pas tij.

Numri i të vdekurve në jug të Turqisë u rrit në 1.498, ndërsa i të lënduarve në 7.634 , tha një zyrtar nga Agjencia e Menaxhimit të Fatkeqësive dhe Emergjencave (AFAD).

Kreu i departamentit të AFAD’it për trajtimin e rreziqeve nga tërmetet, Orhan Tatar, tha në një konferencë për media se 2.834 ndërtesa janë shkatërruar nga tërmeti dhe lëkundjet pasuese të përqendruara në provincën Kahramanmaras, duke theksuar se janë regjistruar edhe 120 lëkundje të tjera pas tërmetit.
Ndërkaq, Siria raportoi për 810 të vdekur.

VIDEO:

/ts