Grubi: Ne jemi Ahmetistë.. (VIDEO)
Artan Grubi nga BDI, në takimin e sotëm me banorët e Tearcës i cilësoi të pranishmit si ndjekës të veprave të kreut të BDI-së, Ali Ahmeti, përcjell TV21.
Grubi tha se autorë të ndryshëm tashmë po studiojnë jetën dhe veprën e Ahmetit.
“Ju jeni ithtarë, ju jeni ndjekës, ju jeni mbështetës të frymës Ahmetiane.
Fryma Ahmetiane që sot po studiohet nga politikologë, po lexoni kolumna çdo ditë nga autorë maqedonas dhe autorë të huaj, se çfarë është fenomeni Ahmetist, që i fiton luftërat, i fiton paqen, i fiton edhe zgjedhjet, për 42 vite me radhë”, tha mes tjerash Gurbi.
Grubi tha se askush nga BDI nuk duhet të merr meritat për projektet e realizuara nga Ali Ahmeti, ndërkaq anëtarët e ekzekutivit nga BDI i cilësoi si “Ahmetistë”.
“Po na lindin grupe të ndryshme. Një grup që del me kallash, me barot të lagur. Grupe tjera me kallasha lodër siç janë ata të “Levicës”.
Grupe “pro ruse”, grupe pro VMRO, grupe bllokuese, grupe që janë keqpërdoruese, e ne vëllezër dhe motra, ky grupi që e shihni para, jemi grupi Ahmetistë, grupi i Ali Ahmetit”, tha mes tjerash Grubi.
VIDEO:
/tv21
