Detaje nga aksident në rrugën kryesore Gostivar-Kërçovë..!

Sot rreth orës 08:30 në rrugën kryesore Gostivar-Kërçovë, rreth dy kilometra nga Strazha, ka ndodhur një aksident komunikacioni në mes të tre automjeteve mallrash (fugona).

Iveco me targa të Prilepit të drejtuara nga 46 vjeçari R.B. nga Prilepi, një fiat me targa të Shkupit e drejtuar nga 39-vjeçari C.M. nga Shkupi dhe Pezho, po ashtu me targa të Shkupit i drejtuar nga 38-vjeçari I.A. nga Shkupi.

Në aksident ka pësuar lëndime të rënda trupore shoferi i mjetit Pezho I.A., i cili është dërguar në Spitalin e Përgjithshëm Ferid Murad në Gostivar, për ti ofruar ndihmë mjekësore.

Në vendin e aksidentit, prokurori publik dhe ekipi i Departamentit të Punëve të Brendshme të Gostivarit, kanë kryer këqyrje, ku për shkak të aksidentit, trafiku është ndërprerë në të dy drejtimet nga ora 9 deri në ora 10:00.Ts

/ts